صعبـان على الجميــــــل اللى صنعته معـاك
ضيعت منى الأمــــــــل حيرتنى وياك
ان كنت ناسى الهوى والا عزول أســاك
يمكن يصادف يوم تيجى ونتعاتب
وان كنت انا المحقوق زود ياروحى جفاك
يوم ما شفتك يا حبيبى
أغنية : من نظم الاستذ عبد الله خضر وتلحين الاستاذ محمد عفيفى
يوم ما شفتك يا حبيبى الطيور قامت تغنى
لما قلت انك نصيبى الزهور مالت تهنى
مالت الأزهار غنت الأطيار لحن للولهان
* * *
الطيور غنت بتحكى يوم هنايا فى الغرام
والعيون كانت بتبكى م السعادة والهيام
من دموع فرحى ارتوى جرحى دبل الأحزان
* * *
إلمحى عينى تدلك دانت حبك عندى غالى
واسألى قلبى يقولك إن قربك كان آمالى
إوعى تنسينى ألا تكوينى وابقى اعيش حيران
* * *
الفؤاد عاش فى سعادة لما نال كل الأمانى
والفرح عندى زيادة يوم ما نور العين وفانى
ارحمى قلبى واحفظى حبى لاجل اعيش فرحان
هذه القطعة أذيعت -- 3 --
رومبا: أفكر فيكى
من نظم الاستاذ عبد الله خضر وتلحين الاستاذ محمد عفيفى
أفكر فيـــــكى والنوم فى عنيه
يعنى يرضيكى تعذيبك فىّ؟
---------------------------------------
هنى أحلامى علشان أتهنى
حيران فى غرامى عايش أتمنى
إيه يعنى مرادك تقلانة بودادك
ما تخفى دلالك
ما تخفى دلالك وتراعى ودادى
تعذيبى حلالك حيرتى فؤادى
مش فاهم قصدك إيه لزمة بعدك
الله يجازيكى
الله يجازيكى وتشوفى هوانك
مش حافرح فيكى حازعل علشانك
إكمنى بحبك مش راضى أعاتبك
إرضى وهنينى
هذه القطعة أذيعت -- 4 --
يا محتجب عنى
طقطوقة : نظم الاستاذ نصر الدين عبد اللطيف وتلحين الاستاذ محمد عفيفى
تغنيها المطربة الآنسة فوزية أحمد
يا محتجب عنى ليه بس تنسانى
إسمح تعاشوفك وارجع وغيب تانى
_________________
طاوعك كده قلبك تلعب بآمالى
ياريت ما حبيتك وفضلت انا ف حالى
طيفك ملازمنى إسمك على بالى
فين انت ماتقوللى يا محتجب عنى؟
_________________
كنت افتكر إنك جتنى تواسينى
خدت الفؤاد منى وبعدت عن عينى
أشتاق تكلمنى واشتاق تناجينى
فين انت ماتقوللى يا محتجب عنى؟
_________________
بالليل تلاقينى محتار شجى شاكى
نامت عيون غيرى واسهر أنا باكى
أنظر إلى رسمك شاكى إليه حالى
فين انت ماتقوللى يا محتجب عنى؟
هذه القطعة أذيعت - 5 -
خليك على كيفك
أغنية: من نظم الاستاذ نصر الدين عبد اللطيف وتلحين الاستاذ محمد عفيفى
تغنيها المطربة الآنسة فوزية أحمد
مادام بشوف طيفك فى البعد بيجينى
خليك على كيفك هاجر وناسينى
_______________
فرحنى فى الاول حلو ابتساماتك
ليه البعاد طول مش زى عاداتك
تقدر بقى تقوللى ليه غبت عن عينى
خليك على كيفك هاجر وناسينى
________________
من غير ما تشرحلى والا تودعنى
إن كان نسيت قوللى أنساك وإيه يعنى
إوعك بقى تفكر بعدك حيضنينى
خليك على كيفك هاجر وناسينى
_______________
بعدى بقى عنك مش راح يزيد نوحى
نلت الوصال منك واتمتعت روحى
ومادام بشوف طيفك فى البعد بيجينى
خليك على كيفك هاجر وناسينى
هذه القطعة أذيعت -- 6 --
فالس: ياللى بعدك
من نظم الاستاذ أحمد وصفى وتلحين الاستاذ محمد عفيفى
ياللى بعدك أصل حيرتى بدى أعرف ليه هجرتى
* * *
لما روحك هى روحى هان عليكى تعذبيها
لما شاف الطير جروحى هان عليه حالته اللى فيها
دى البلابل هاجها نوحى إسمحى يوم وارحميها
* * *
إنت فاكرة لما كنا إحنا لاتنين جسم واحد
والقمر نور وقمنا م الخميلة بقلب ناهد
إبتسمتى لما شافنا وابتسم ساعة ما شاهد
* * *
يا ترى فاكره دا كله والا عاملة انك نسيتى
الروض بكى ورده وفله لما شاف انك قسيتى
للقمر بات يشكى ذله هو يعرف من هويتى
-- 7 --
تانجو : ياللى تعودى إلى
من نظم الاستاذ أحمد وصفى وتلحين الاستاذ محمد عفيفى
ياللى تعودى إلى بعد النوى والبعاد
بعد الحياة الهنية تخونى عهد الوداد؟
________
بان لى غرامك وكان أملى أشوفك معايا
فى كل وقت وزمان وانسى همومى وأسايا
ضاعت آمالى وبان غدرك وخنتى هوايا
________
ولما عاد الحنين قلبك يا هاجرة يا قاسية
رجعتى بعد الانين وعملتى إنك ناسية
ليالى حبى الامين وكنت فيها المواسية
________
لكن فؤادك مادام رجع لحبه وعاد
يمكن على الايام يميل إليكى الفؤاد
ونبنى عش الغرام على غصون الوداد
هذه القطعة أذيعت -- 8 --
ماليش حبيب
طقطوقة: من نظم الاستاذ عبد الحميد الحماقى وتلحين الاستاذ محمد عفيفى
تغنيها المطربة فوزية أحمد
ما ليش حبيب يبكى على من بعد هجرك يا عنيه
* * *
صبحت حبايبى عزالى ونسونى أهلى وخلانى
راح اعمل ايه فى اللى جرالى وبعد طيفك خلانى
ما ليش حبيب يبكى على
كان طيفك الحلو يجينى ودموعى تشرح له آلامى
صبح جماله مجافينى وخد دموعى ومنامى
ما ليش حبيب يبكى على
من كتر تفكيرى ف طيفك حبايبى ملت من نوحى
لوع فؤادى على كيفك دانا اللى جانى على روحى
وما ليش حبيب يبكى على
هذه القطعة أذيعت - 9 -
يادنيا حالك عجب
مـوال : من نظم الاستاذ محمد عفيفى
يادنيا حالك عجب بتفرقى الاحباب
زودتى نار الاسى يكــفى هوان وعذاب
هجر حبيبى الهوى إيه ياترى الاسباب
وف يوم بليلة صبح اللى بحبه بعيد
وفضلت وحدى غريب من فرقة الاحباب
تم الجزء الاول
قريبا جدا !
يصدر الجزء الثانى ...
حقوق الطبع والنشر محفوظة
مطبعة النهضة بالاسكندرية
