الحِنَّـة

يا محنّى ديل العصفوره
وبلدنا
تصبح منصوره
شايفينها فى واقع
وف صوره
يا محنّى ديل العصفوره
0000
يا محنّى ديل الكتكوت
والغاصب
يهلك ويموت
فى بلدنا
يهلك ويموت
0000
أيامنا بنفسج ولمونى
أمريكا والصرب غزونى
آدى دقنى
لو كانوا يجونى
ويلاقوا أمانهم فى بيوت
يا محنّى ديل الكتكوت!
0000
الصرب وأمريكا ده غول
بيمص آبار البترول
غريبه يا آبار البترول
تولع والعالم يخسرها
ولا ظالم من خيرها ينول
يا محنّى ديل العصفور!
0000
الحِنَّة مصرى وسودانى
وعراقى
أو قدسى وشامى
الحِنَّة
عربية أصيله
يا محنَّى ديل العصفوره
وبلدنا ح تصبح منصوره
والظالم
يهلك ويموت
يا محنى ديل الكتكوت!